Bu gün Azərbaycan milli azadlıq hərəkatının iştirakçılarından biri, Yeni Azərbaycan Partiyasının keçmiş üzvü Sirus Təbrizli II Fəxri Xiyabanda dəfn olunub. SİA-nın məlumatına görə, mərasimdə Yeni Azərbaycan Partiyasının sədr müavini-icra katibi, millət vəkili Əli Əhmədov, Bakı Şəhər İcra Hakimiyyətinin başçısı Hacıbala Abutalıbov, Xüsusi Dövlət Mühafizə Xidməti rəisinin birinci müavini Bəylər Eyyubov, Diasporla İş üzrə Dövlət Komitəsinin sədri Nazim İbrahimov, millət vəkilləri, AMİP lideri Etibar Məmmədov və başqaları iştirak ediblər. Mərhum vəsiyyətinə uyğun olaraq, Anar Məmmədxanovun məzarının yanında dəfn edilib.