İstanbulun "Beşiktaş" futbol klubu braziliyalı ulduz futbolçu Ronaldinyonu transfer etmək üçün hərəkətə keçib. Siasport.az saytı Türkiyənin mətbuatına istinadən xəbər verir ki, Fikret Ormanın klub prezidenti seçilməsindən sonra yeni rəhbərlik hazırda Braziliyada top qovan Ronaldinyo üçün illik 7 milyon avronu gözdən keçirib. "Fanatik.com.tr" idman saytı yazır ki, artıq "Beşiktaş"ın idman direktoru olan Semih Usta Ronaldinyonun Türkiyədəki meneceri olan Adem Önderle danışıqlara başlayıb. Ulduz futbolçunun da Türkiyədə çıxış etməyə müsbət yanaşdığı verilən xəbərlər sırasındadır.