Dünən İsveçin Malmö şəhərində keçirilən "Eurovision- 2013" mahnı müsabiqəsinin II yarımfinalından sonra finala keçən ölkələrin mətbuat konfransı olub. SİA-nın məlumatına görə, mətbuat konfransında finala vəsiqə qazanan ölkələr sevinclərini bölüşüblər.
Finala vəsiqə qazanan ölkələr arasında Azərbaycan da olub. Təmsilçimiz mətbuat konfransında bildirib ki, səhnəyə çıxanda hər zaman özünə qapanır və yalnız öz dünyasında olur: "Yarımfinaldakı çıxışımdan əvvəldə eyni hisslər keçirdim. Finalda da heç bir şey haqqında düşünüməyəcəm, yalnız gözəl ifa nümayiş etdirmək, ölkəmi layiqincə təmsil etmək üçün çalışacam".
"Bəlkə Eurovision yarışmasını Odlar Yurduna geri qaytaraq?" sualına cavab olaraq isə təmsilçimiz "Eurovision Odlar Yurduna qaytarmaq fikri heç də pis fikir deyil. Niyə də olmasın? Biz hər zaman buna hazırıq. Mayın 18-də finalda da layiqli çıxış etməyim üçün var gücümlə çalışacam".
Finlandiya təmsilçisinin Fərid Məmmədova mətbuat konfransında öz yarışma mahnısına uyğun olaraq "Marry me" ("Mənimlə evlənərsən") deməsinə, Fərid də biganə qalmayıb və "əgər məni tutarsansa evlənərəm" ("Hold me") cavabını verib.
Qeyd edək ki, mətbuat konfransında həmçinin ölkələrin finalda neçənci nömrə altında çıxış edəcəkləri də məlum olub. Azərbaycan finalda səhnəyə 20-ci çıxacaq. Digər 25 iştirakçının sıra nöməsi isə aşağıdakı kimidir:
1. Fransa
2. Litva
3. Moldova
4. Finlandiya
5. İspaniya
6. Belçika
7. Estoniya
8. Belarus
9. Malta
10. Rusiya
11. Almaniya
12. Ermənistan
13. Niderland
14. Rumıniya
15. Böyük Britaniya
16. İsveç
17. Macarıstan
18. Danimarka
19. İslandiya
20. Azərbaycan
21. Yunanıstan
22. Ukrayna
23. İtaliya
24. Norveç
25. Gürcüstan
26. İrlandiya.