Futbol üzrə Türkiyə Superliqasında növbəti turun qarşılaşmaları keçirilib. Siasport.az saytı xəbər verir ki, səfərdə "Elazığspor"un qonağı olan İstanbulun "Beşiktaş" futbol klubu, çətin səfər qarşılaşmasında 3:1 hesablı qələbəyə sevinib. Bir başqa İstanbul təmsilçisi olan "Fənərbaxça" da səfərdə "Mersin İdmanyurdu"nun qonağı olub. Olduqca kritik keçən qarşılaşmada qonaqlar 1:0 hesabı ilə qalib gəliblər. "Trabzonspor" isə "Sivasspor"la qarşılaşmadan 0:2 hesablı məğlubiyyətlə ayrılıb. İstanbulun "Qalatasaray" futbol klubu isə, "Türk Telekom Arena"da "Antalyaspor"la qarşılaşıb. Yeni transfer Didye Droqbanın tribunadan izlədiyi bu qarşılaşmada, "cim bom" Burak Yılmazın dublu sayəsində rəqibini 2:0 hesabı ilə məğlub edərək, turnir cədvəlindəki liderliyini bir qədər də möhkəmləndirib.
Türkiyə superliqası, 21-cu tur
10 fevral
"Sivasspor" – "Trabzonspor" – 2:0
Qollar: H.Arslan, 21, A.Chahechohe, 57
"Kayserispor" – "Orduspor" – 0:0
"Mersin İdmanyurdu" – "Fənərbaxça" – 0:1
Qol: P.Vebo, 45
"Qalatasaray" – "Antalyaspor" – 2:0
Qollar: B.Yılmaz, 8, 62
9 fevral
"İstanbul B.B" – "Akhisar" – 0:2
Qollar: T.Gekas, 31, 46
"Gənclərbirliyi" – "Eskişehirspor" – 0:2
Qollar: D.Angelo, 12, N.Ateş, 89
"Elazığspor" – "Beşiktaş" – 1:3
Qollar: A.Görk, 5 (1:0), F.Holosko, 45 (1:1), İ.Toraman, 56 (1:2), M.Fernandes, 82 (1:3)
"Karabükspor" – "Bursapor" – 0:3
Qollar: Tuncay, 54, Chretien, 61, P.Batalla, 80