Keniyanın şimalındakı Baraqua rayonunda mal-qara oğruları polisləri pusquya salaraq 42 asayiş keşikçisini qətlə yetiriblər. SİA-nın xarici mətbuata istinadən verdiyi xəbərə görə, polislər 13 nəfəri qətlə yetirmiş mal-qara oğrularından ibarət dəstəni izləyərkən pusquya düşüb.
Keniya parlamentinin təhlükəsizlik komissiyasının sədri Uilfrid Kaponi hadisə ilə bağlı bunları deyib: "Bu hadisə bizim təhlükəsizlik qüvvələrinin səriştəsizliyini üzə çıxarıb. Cinayətkarları zərərsizləşdirməkdən ötrü polislərin müvafiq silahlarla təchiz olunması üçün ciddi tədbirlər görməyin vaxtı çatıb".
Hökumət qüvvələri cinayətkarların axtarışına başlayıb.
Elvin