Tək çinlilərin deyil, Orta və Cənub-şərq Asiyada yaşayanların, yaponların, hətta eskimoların da gözləri qıyıqdır. Əslində göz quruluşu bütün dünyada eynidir. Fərqi yaradan göz qapaqlarıdır. Qıyıqgözlü deyə xarakterizə edilən irqlərdə gözün üzərindəki göz qapağının ikinci qıvrımı, gözün üstünə daha çox enmişdir.
Bəzi nəzəriyyələrə görə bu qıvrım insanların gözlərini sıx qar təbəqəsinin, göz qamaşdıran işığından qorumaq üçün bir növ qar gözlüyü kimi inkişaf etmişdir. Çində və o biri bölgələrdə hər nə qədər sıx qar yağmırsa da onların atalarının buzlaq çağında şimalda yaşadıqları daha sonra cənuba endikləri sübut edilmişdir. Tək gözləri deyil, burunları da küləyə qarşı qorunmaq üçün kiçilmiş, burun dəlikləri soyuğu maneə törətmək üçün daralmışdır. Dəriləri də qoruma məqsədli olaraq yağlıdır. Göz qapaqları da yağlıdır, gözü və iç təbəqələrini quru və buza qarşı qoruyur.