"Bakı" futbol klubunun yarımmüdafiəçi Deyvidas Çesnauskis dünya çempionatının seçmə oyunları çərçivəsində baş tutacaq Lixtenşteyn və Bosniya Herseqovina ilə oyunlarında iştirak etmək üçün Litva milli komandasınn düşərgəsinə dəvət alıb. Siasport.az saytının məlumatına görə, litvalılar hər iki oyunu səfərdə keçirəcəklər. Oktyabrın 12-də onları Lixtenşteynlə oyun gözləyir. Dörd gün sonra isə Litva milli komandasını "B" qrupunun lideri Bosniya və Hersoqovina yığması sınağa çəkəcək.