Tələbə Qəbulu üzrə Dövlət Komissiyası (TQDK) iyunun 24-də ali məktəblərin magistraturalarının ikinci mərhələsinə keçirilən qəbul imtahanının nəticələrini açıqlayıb. TQDK-nın mətbuat xidmətindən SİA-ya verilən xəbərə görə, bakalavarlar imtahanın nəticələri həm komissiyanın rəsmi internet saytından (tqdk.gov.az), həm də iş nömrələrini "7727" nömrəsinə göndərməklə də nəticələrini öyrənə bilərlər.
Bakalavrlar iyunun 27-dən 29-dək ali təhsil müəssisələrinin magistraturalarına qəbul aparılan ixtisaslaşmaların müsabiqəsində iştirak etmək üçün internet vasitəsi ilə ixtisaslaşma seçimini yerinə yetirəcəklər.
Qeyd edək ki, magistraturaya qəbul imtahanının birinci mərhələsi martın 4-də keçirilib. Birinci mərhələdə uğur qazanaraq müsabiqə şərtlərini ödəyən 8529 bakalavr iyunun 24-də keçirilən ikinci mərhələyə buraxılıb.