İyunun 18-də isə Azərbaycan Dövlət Musiqili Komediya Teatrında unudulmaz sənətkarın 80 illik yubileyinə həsr olunan "www.ferzeli-kef.com" (E.Sabitoğlu, C.Məmmədov) tamaşası nümayiş olunacaq. Bu barədə SİA-ya teatrdan məlumat verilib. Bu yeni tamaşada xalq artistləri İlham Namiq Kamal, Fatma Mahmudova, tanınmış aktyorlar Novruz Qartal, Məhərrəm Qurbanov, Ağaxan Şərifov, Gülnarə Əzizova, Nigar Qarayeva və başqaları çıxış edəcəklər. Xatırladaq ki, xalq artisti Hacıbaba Bağırov vaxtı ilə bu tamaşada Fərzəli obrazını ifa edib.
Tamaşadan öncə əməkdar mədəniyyət işçisi Telli Pənahqızı aktyorun həyat və yaradıcılığı barədə çıxış edəcək.