\"İsrail Azərbaycanın dostluğunu yüksək qiymətləndirir\". Bunu İsrail prezidenti Şimon Peres Azərbaycan Respublikasının diasporla iş üzrə dövlət komitəsinin sədri Nazim İbrahimovu qəbul edərkən deyib.
İsrail mediası xəbər verir ki, İsrailə \"İsrail-Azərbaycan\" Beynəlxalq Assosiasiyasının II qurultayında iştirak üçün səfər edən N.İbrahimov Ş.Pereslə görüşündə ona əldə toxunmuş Azərbaycan xalçasını hədiyyə edib.
Qeyd edək ki, sözügedən qurultay İsrailin paytaxtı Tel-Əvivdə keçirilir və tədbirə ölkənin xarici işlər naziri Aviqdor Liberman başda olmaqla bir sıra rəsmi şəxslər də qatılıblar.