Kanada Senatının üzvü Salma Atullahcan Azərbaycanın Respublika Günü ilə bağlı bəyanat yayıb. Səfirlikdən SİA-ya verilən xəbərə görə, bəyanatda 1918-ci ilin 28 may tarixində Azərbaycanda demokratik respublikanın elan edildiyi və Azərbaycanın ilk müsəlman ölkəsi qismində qadınlara bərabər siyasi hüquqlar və seçki hüququ verdiyi qeyd olunub. Bəyanatda həmçinin Rusiya imperiyası ərazisində ilk dəfə 1901-ci ildə Azərbaycanda ilk qızlar gimnaziyasının təsis edildiyini və qadınların müxtəlif illərdə ölkənin yüksək vəzifələrində çalışdıqları bildirilib. Həmçinin, Azərbaycanın 1991-ci ildə öz müstəqilliyini bərpa etdiyi vurğulanıb.