Azad Rəhimov: "Son
12 ildə idmanın inkişafına bir milyard
dollar sərmayə qoyulub"
23 May 2012 15:47 (UTC+04:00)
"Bakının 2020-ci il olimpiadasına ev sahibliyi ilə bağlı ərizəsi 2016-cı
il Olimpiya Oyunlarını qəbul etməklə bağlı əvvəlki səylərindən daha
yaxşıdır. Azərbaycan öz səhvlərindən nəticə çıxarıb". Siasport.az saytı "Trend"-ə istinadən xəbər verir ki, bu fikirlərlə gənclər və idman naziri Azad Rəhimov AFP-yə müsahibəsində çıxış edib. A.Rahimov qeyd edib ki, bu dəfə o, Bakının ərizəsindən razıdır: "Bu,
əla təklifdir. Hazırkı ərizəmiz bundan əvvəlki ərizədə buraxılan
səhvləri düzəltmək üçün çox diqqətlə hazırlanıb. Bu təklif daha yüksək
keyfiyyətlidir. Son dörd il ərzində ölkə çox güclü şəkildə dəyişib", -
Rəhimov deyib. Onun sözlərinə görə, Azərbaycanda mühüm idman
yarışları keçirmək (o cümlədən 2011-ci ildə həvəskar boks üzrə dünya
çempionatı) mədəniyyətini təqdim etməklə Bakı BOK-u ölkə ilə tanış edir. Ölkədə idmanın inkişaf etdiyi intensivlik Azərbaycanın xeyrinə daha bir amil olub.
"Son
12 ildə idmana, onun infrastrukturuna və başqa sahələrə bir milyard
dollar sərmayə qoyulub. Pekində biz idmanın 11 növünü təqdim etdik, dörd
il sonra isə Londonda 16 növ təqdim edəcəyik. Bu o deməkdir ki, qısa
müddətdə beş yeni idman federasiyası yaradılıb", - nazir deyib.