Stansiya Sumqayıt və Tuk zavod ərazilərində tibb məntəqələri açılıb
19 May 2012 00:27 (UTC+04:00)
Sumqayıt şəhərinin ucqar yaşayış massivlərindən (Stansiya Sumqayıt və Tuk zavod ərazisindən) şəhər poliklinikalarına gediş-gəlişin çətin olmasını Stansiya Sumqayıt və Tuk zavod ərazilərində tibb məntəqələri açılıb. Səhiyyə Nazirliyindən SİA-ya verilən xəbərə görə, tibb məntəqələrində daimi orta tibb personalı, növbə üzrə isə həkim pediatr, həkim ginekoloq və uşaq stomatoloqu fəaliyyət göstərəcək.Məntəqələrin açılması həmin ərazidəki sakinlərə tibbi xidmətin yaxşılaşdırılması və ehtiyac olan hallarda ilkin tibbi yardımın göstərilməsi, uşaqlar arasında xəstəliklərin vaxtında aşkar edilərək müayinə və müalicəyə cəlb edilməsi, profilaktik sanasiyaların aparılması, hamilə qadınların ilkin mərhələlərdə qeydiyyata götürülməsi işini yaxşılaşdıracaq. Tibb məntəqələri Novruz bayramı ərəfəsində açılıb.