Ramil Usubov Gəncədə vətəndaşlarla görüşəcək

15 May 2012 20:03 (UTC+04:00)

Azərbaycan Respublikasının daxili işlər naziri, general-polkovnik Ramil Usubov iyunun 2-də Gəncə şəhərində vətəndaşlarla görüşəcək. Daxili İşlər Nazirliyinin (DİN) mətbuat xidmətindən SİA-ya verilən məlumata görə, görüşdə Gəncə şəhərinin, Göygöl, Samux, Qazax, Şəmkir, Kəlbəcər, Gədəbəy, Ağstafa, Tovuz rayonlarının sakinlərinin iştirakı nəzərdə tutulub. Saat 11.00-da başlayacaq görüş siyahıda birinci göstərilən rayon polis şöbəsində keçiriləcəkdir.