Eurovision Mahnı Müsabiqəsinin ilk qalibi Liz Assia Bakıdakı şouda iştirak etmək üçün Azərbaycana gəlir. SİA-nın məlumatına görə, dünyanın məşhur müsabiqəsinin İsveçrədən olan ilk qalibinin ölkəmizə səfəri mayın 24-də başlayacaq. Liz Assia Oslo və Düsseldorfda keçirilən Eurovision şoularında da qonaq qismində çıxış etmişdi.
Qeyd edək ki, Liz Assia 1956-cı ildə keçirilən Eurovision Mahnı Müsabiqəsinin qalibi olub. Xanım Assia bu il də Eurovision yarışmasında təmsil olunmaq üçün Milli Seçimlərə qatılmışdı.