Ümummilli lider Heydər Əliyevin azərbaycançılıq məfkurəsinin gənclər arasında geniş təbliğ edilməsi məqsədilə Mingəçevir, Yevlax, Gəncə şəhərlərində "Gənclik və azərbaycançılıq məfkurəsi" adlı təbliğat kampaniyası çərçivəsində xalq konsertləri keçirilib. SİA-nın məlumatına görə, minlərlə gəncin iştirak etdiyi konsert proqramında respublikanın tanınmış incəsənət ustaları və gənc müğənnilər də iştirak ediblər.
Tədbirlərdə
Azərbaycan Respublikası gənclər və idman nazirinin müavini İntiqam Babayev,
ərazi üzrə seçilmiş millət vəkilləri, şəhər icra hakimiyyətlərinin başçıları,
müxtəlif gənclər təşkilatlarının rəhbərləri, əlaqədar idarə, müəssisə və
təşkilatların nümayəndələri, gənclər və tələbələr iştirak edib.
Kampaniya
zamanı Ümummilli Lider Heydər Əliyevin azərbaycançılıq məfkurəsinin geniş
təbliğ edilməsi ilə bağlı ətraflı müzakirələr aparılıb.