Gənclər arasında cüdo üzrə Bakı şəhər açıq birinciliyi keçirilib

13 Aprel 2012 17:01 (UTC+04:00)
Bakı şəhər Gənclər və İdman İdarəsinin həyata keçirdiyi tədbirlər planına müvafiq olaraq Şağan Olimpiya İdman Kompleksində 1990-1991-ci il təvəllüdlü gənclər arasında cüdo üzrə Bakı şəhər açıq birinciliyi keçirilib. Siasport.az saytının məlumatına görə, birincilikdə KK/TT, 11№-li UGİM, "Neftçi"İSM, 13№-li UGİM, "Zenit"İC, "DİN"İC, "Sərhədçi"OİK, "Çevik"İK, "Ümid"İK, "Kano"İK, "Lokomativ"İSM, "Sakura"İK, "Atilıla"İK, "Lider"İK, "Təhsil"RİM, "Elf"İK, "AzTU"İK, "Nəqşi-Cahan"İK və "Ruslan"İSM komandalarını təmsil edən 176 nəfər idmançı mübarizə aparıb.

Məlumat üçün bildirək ki, yarışda oğlanlar arasında 60 kq çəki dərəcəsində I yerə Şeydabəyov Nurlan (KK/TT), 66 kq çəki dərəcəsində I yerə Seyidi Mir Elturan (Neftçi İSM),73 kq çəki dərəcəsində I yerə Piriyev İsmayıl (Neftçi İSM), 81 kq çəki dərəcəsində I yerə Əhmədzadə Yasin (Lokomotiv İSM), 90 kq çəki dərəcəsində I yerə İmanov İmran (Neftçi İSM), 100 kq çəki dərəcəsində I yerə Şükürlü Cəlil (Neftçi İSM), +100 kq çəki dərəcəsində I yerə Fətiyev Andrey (DİN İC), qızlar arasında isə 48 kq çəki dərəcəsində I yerə Abbaszadə Nərmin (KK/TT), 52 kq çəki dərəcəsində I yerə Eyvazova Vəfa (13№-li UGİM), 57 kq çəki dərəcəsində I yerə Paşayeva Pərvanə (Sərhədçi OİK), 63 kq çəki dərəcəsində I yerə Qurbanova Ellada (Lider İK), 70 kq çəki dərəcəsində I yerə İmanova Kəmalə (DİN İC),78 kq çəki dərəcəsində I yerə Əliməmmədli Günay (9№li UGİM) layiq görülüb.

Qeyd edək ki, yarışda qalib gələn idmançılar Bakı şəhər Gənclər və İdman İdarəsi tərəfindən müvafiq dərəcəli diplomlar və xatirə hədiyyələri ilə mükafatlandırılıb.