Azərbaycan Kubokunun ¼ mərhələsində bu gün keçirilən 4 oyundan 2-də hesab açıldı. Siasport.az saytının məlumatına görə, "Neftçi"-"Kəpəz" oyununda Gəncə təmsilçisi Yuri Fomenko görüşün 33-cü dəqiqəsində Flaqmanın qapısından 1 top keçirdi.
Qeyd edək ki, digər AZAL- "Bakı" qarşılaşmasında isə paytaxtımızın adını daşıyan klubun futbolçusu Juninyo görüşün ilk dəqiqələrində hesabı açmağa müvəffəq oldu. "Qarabağ"- "Qəbələ" görüşü isə davam edir.
Məlumat üçün bildirək ki, "Xəzər Lənkəran" – "İnter" oyunu isə, saat 18:00-da başlayacaq.