İfaçılar - Orxan Kərimli, Məryam Kərimova, Xəyyam Mustafazadə, Fəqan Səfərov, Elton İbrahimov, Adil Baxışlı, Səbinə Babayeva və Arzu İsmayılova Odlar Yurdunu müsabiqədə təmsil etmək uğrunda mübarizə aparacaq. 5 gün ərzində ifaçılar istedad və bacarıqlarını nümayiş etdirəcək.
Münsiflər heyəti və tamaşaçıların rəyi əsasında isə həftənin sonunda 5 ifaçı finala vəsiqə qazanacaq. Onlar Qala konsertində çıxış edəcək. Münsiflərin qərarı əsasında isə qələbə qazanan iştirakçı bu ilin mayında Bakıda keçiriləcək "Eurovision" Mahnı Müsabiqəsində Azərbaycanı təmsil edəcək.