Prezident 2012-ci ilin dövlət büdcəsini təsdiq etdi

20 Dekabr 2011 16:34 (UTC+04:00)

Azərbaycan prezidenti İlham Əliyev "Azərbaycan Respublikasının 2012-ci il dövlət büdcəsi haqqında" qanunu, eyni zamanda, bu qanunun tətbiq edilməsi barədə fərman imzalayıb. SİA-nın məlumatına görə, "Azərbaycan Respublikasının 2012-ci il dövlət büdcəsi haqqında" qanun və onun tətbiqi ilə balı fərman 2012-ci il yanvarın 1-dən qüvvəyə minəcək. Qeyd edək ki, 2012-ci il üçün dövlət büdcəsinin gəlirləri 16,438 mln. manat, xərcləri isə 17,072 mln. manat (o cümlədən, mərkəzləşdirilmiş gəlirlər 15 938 610,5 min manat, yerli gəlirlər 499 389,5 min manat və mərkəzləşdirilmiş xərclər 15 779 160,0 min manat, yerli xərclər 1 292 840,0 min manat) məbləğində təsdiq edilib.