Yeni “Leyli və Məcnun”nun təqdimatı dekabrda olacaq - FOTOSESSİYA

26 Noyabr 2011 11:33 (UTC+04:00)

Şou-biznesin məşhur simalarının çəkildiyi müasir Leyli və Məcnun müziklının keçiriləcəyi vaxt məlum oldu. SİA-nın məlumatına görə, təqdimat 17 dekabr tarixinə planlaşdırılır.

Axşam saat 20:00-da başlayacaq mərasim ölkənin əsas səhnəsi olan Heydər Əliyev Sarayında baş tutmalıdır. Onu da qeyd edək ki, müziklın reklam çarxı və saytı da tamaşaçılara təqdim olunub.Hazırda isə aktyorlar məşqlərlə ciddi məşğul olurlar.

Onu da qeyd edək ki, sözügedən Leyli və Məcnun dünyada və ölkəmizdə ilk dəfə olaraq dahi Azərbaycan şairi Nizami Gəncəvinin poeması əsasında müzikl layihəsi gerçəkləşdirilir.

Layihənin təşkilatçıları isə Azərbaycan Respublikasının Mədəniyyət və Turizm Nazirliyi ilə "İRƏLİ" İctimai Birliyidir.

Xatırladaq ki, tamaşada müğənnilər Natəvan Həbibi, Elnur Məmmədov, Azad Şabanov, reper Elşad Xose və rəqqasə Oksana Rəsulova kimi məşhurlar çəkiliblər.