Əcnəbilər Azərbaycan dilində danışacaqlar

15 Noyabr 2011 16:18 (UTC+04:00)

Gənclər üçün Təhsil Mərkəzi ölkəmizdəki əcnəbilər üçün növbəti "Azərbaycan dili Məktəbi"nə qəbul elan edib. SİA-nın xəbərinə görə, məktəbin əsas məqsədi ölkəmizdə təhsil alan, yaşayan və işləyən əcnəbilərin ana dilimizdə sərbəst danışmasına kömək etmək, dilimizin zənginliyini onlarla bölüşmək və Azərbaycanın milli dəyərlərinin təbliğinə kömək etməkdir.

Yaşı 16-dan yuxarı olan və ana dilimizi öyrənmək istəyən hər bir ingilis dilli şəxs məktəbdə qeydiyyatdan keçə bilər. Qeydiyyat noyabr ayının sonuna qədər davam edəcək. Azərbaycan dili məktəbi pulsuz olaraq hər bir qrup üçün 6 ay davam edəcək. Məktəbdə interaktiv metodlarla ana dilimiz tədris edilməklə yanaşı, əcnəbilərin Azərbaycanın mədəni irsi ilə daha yaxından tanış olması üçün əlavə tədbirlərin keçirilməsi də nəzərdə tutulub.