Bakıya ilk qar yağdı

7 Noyabr 2011 09:00 (UTC+04:00)

Bu gün Azərbaycan paytaxtına ilk qar yağıb. SİA-nın məlumatına görə, noyabrın 6-dan kəskin soyumağa başlayan hava şəraiti noyabrın 7-də də davam edir.

Paytaxtda güclü şimal küləyi müşayiət olunur. Səhər saatlarından etibarən paytaxtın ayrı-ayrı yerlərində sulu qar və qar yağmağa başlayıb.

Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun məlumatına görə, anomal kəskin soyuq hava şəraiti noyabrın 7-də də davam edəcək. Fasilələrlə yağıntılı olacaq, bəzi yerlərdə intensivləşəcək. Güclü şimal-qərb küləyi əsəcək.

Havanın temperaturunun gecə və gündüz 0-4 dərəcə isti olacağı gözlənilir.

Noyabrın 6-dan başlayan, noyabrın 8-i gündüzədək Azərbaycan ərazisində gözlənilən anomal hava şəraiti arktik soyuq hava kütlələrinin ölkə ərazisinə daxil olması ilə əlaqədardır. Qeyd edək ki, ilk qar eyni zamanda müəyyən problemlər də yaradıb. Yollarda avtomobillərin hərəkəti çətinləşib. Bəzi küçələri su basıb.