Bütün ABŞ bombardmançı təyyarələri bu yaxınlarda terror planının aşkarlandığı Böyük Britaniya aviabazası olan RAF Fairford-u tərk edib. BBC bu barədə 5 oktyabr bazar ertəsi gecəsi məlumat verib. Rəsmi səbəb göstərilməyib, lakin hökumət mənbələri qeyri-rəsmi olaraq son hadisə ilə əlaqəsini etiraf ediblər.
Təyyarələrin ABŞ-dakı əsas bazalarına qayıtdığı bildirilir. ABŞ geri çəkilmənin səbəbini rəsmi olaraq açıqlamayıb, lakin bu, polisin 27 sentyabrda terror hücumu planlaşdırmaqda şübhəli bilinən beş nəfəri saxlamasından sonra baş verib. BBC qeyd edir ki, Britaniya hökumət mənbələri Vaşinqtonun qərarının RAF Fairford-dakı hadisəyə cavab olduğunu inkar etmir. Böyük Britaniya Müdafiə Nazirliyi vəziyyətlə bağlı şərh verməyib.
Son aylarda Amerika bombardmançı təyyarələri İrana qarşı zərbələr endirmək üçün bu Böyük Britaniya bazasını icarəyə götürüblər. İyul ayında İran "İran ərazisinə qarşı təcavüz üçün istifadə edilən istənilən bazanın qanuni hədəf olduğunu" bildirib.
Xatırladaq ki, 27 sentyabrda Böyük Britaniya polisi ABŞ-ın İrana qarşı zərbələr endirmək üçün istifadə etdiyi RAF Fairford yaxınlığında beş nəfəri həbs edib. Polisə aviabazaya doğru gedən üç şübhəli nəqliyyat vasitəsi barədə zəng gəlib. Böyük Britaniyanın Baş naziri Endi Börnhem daha sonra İranı aviabazadakı hadisədə iştirak etməkdə ittiham edib.
VƏLİ