Ukrayna Hərbi Hava Qüvvələri MiQ-29 qırıcısının döyüş tapşırığı zamanı vurulduğunu və pilotun həlak olduğunu açıqlayıb.
SİA yerli mənbələrə istinadən xəbər verir ki, bu barədə “RBK-Ukrayna” Ukrayna Hərbi Hava Qüvvələrinin açıqlamasına istinadən məlumat yayıb.
Bildirilib ki, oktyabrın 1-də 40-cı taktiki aviasiya briqadasının kapitanı, bölük komandiri Marat Mambetov döyüş tapşırığını yerinə yetirərkən həlak olub.
Məlumata görə, onun idarə etdiyi MiQ-29 qırıcısı raketlə vurulub. Pilot katapult etsə də, həyatını xilas etmək mümkün olmayıb.