ABŞ Silahlı Qüvvələri Kubada mümkün hərbi əməliyyata hazırlıqları davam etdirir, CBS News ABŞ Ordusunun daxili sənədinə və mənbələrinə istinadən xəbər verir.
Sənədə görə, ABŞ Ordusu Mərkəzi və Cənubi Amerika, eləcə də Karib dənizini əhatə edən ABŞ Cənub Komandanlığının əməliyyat zonasına altı növ bölmənin yenidən yerləşdirilməsi imkanını nəzərdən keçirir. Xüsusilə, bu bölmələrə logistika batalyonu, mühəndis batalyonu, logistika komandanlığı, tibbi briqada, reanimasiya və cərrahiyyə dəstəsi və hərbi polis briqadası daxildir. Bildirişdə bu bölmələrin "90-120 gün ərzində tələb oluna biləcəyi" bildirilir.
"Bildirişdə birbaşa Kuba qeyd olunmasa da, bu tələb Kuba ilə bağlı davam edən hərbi planlaşdırma ilə bağlıdır", CBS News ABŞ administrasiyasının rəsmilərinə istinadən bildirib. Kanal vurğulayır ki, sənəddə ABŞ Cənub Komandanlığının məsuliyyət zonasına yerləşdirilə biləcək qoşunların sayı və ya onların mümkün yerləşdirilməsi yeri göstərilmir.
Avqust ayında Pentaqon katibi Pit Heqset ABŞ-ın Kuba ilə bağlı hərbi əməliyyatlar da daxil olmaqla, gələcək addımlar üçün bütün variantları nəzərdən keçirdiyini bildirmişdi.
VƏLİ