Boliviyanın Yungas meşələrində elm üçün yeni hesab olunan vəhşi pişik növü aşkarlanıb.
SİA-nın xarici mətbuata istinadən verdiyi xəbərə görə, yeni növün orta ölçülü ev pişiyindən daha kiçik olduğu bildirilir. Bu kəşf Cənubi Amerikanın biomüxtəlifliyinin hələ tam öyrənilmədiyini göstərən nümunələrdən biri kimi təqdim edilir.
Tədqiqatçılar heyvanın xüsusiyyətlərini, yaşayış arealını və digər pişik növlərindən fərqlərini araşdırıblar. Yeni növün müəyyənləşdirilməsi regionun ekoloji sistemlərinin qorunmasının əhəmiyyətini də gündəmə gətirib.