...ABŞ-da hərraca çıxarılan geniş vintaj avtomobillər kolleksiyası var. Onlardan bəziləri nominal qiymətə satılır.
SİA xəbər verir ki, Carscoops veb saytına görə, kolleksiya bir neçə onilliklər ərzində toplanmış üç yüz avtomobildən ibarətdir.
Vintaj avtomobil kolleksiyası Kolorado ştatının Bourne ailəsi tərəfindən yığılıb. Təsisçinin nəvəsi Douq Bourne bu yaxınlarda vəfat edib və ailəsi avtomobilləri satmaq qərarına gəlib. 300 avtomobilin böyük əksəriyyəti Amerika istehsalı olan modellərdir. Onların arasında 1912-ci il Ford Model T kimi əsl "köhnə" avtomobillər də var.
Kolleksiyaya həmçinin 1930-cu illərdən qalma müxtəlif komplektasiya səviyyələrində bir neçə Ford V8, eləcə də vintaj Chevrolet və Plymouth avtomobilləri daxildir. Həmçinin 1960-cı və 1970-ci illərə aid güclü əzələ avtomobilləri də var - Chevrolet Bel Air, Mercury Comet, Oldsmobile 98 və Pontiac Firebird.
Bourne ailəsi həmçinin müxtəlif marka və modellərdə çoxlu sayda vintaj pikap və yük maşını toplayıb.
Maşınların vəziyyəti müxtəlifdir.
Bəziləri diqqətlə bərpa olunub və mükəmməl görünür, digərlərinin isə bərpaya ehtiyacı var. Bəzi avtomobillər paslı metal yığınlarına çevrildiyindən, onlar simvolik olaraq 50 sent başlanğıc qiymətə satılır.
Nazlı Almuradova