...Kristian Siriano Nyu-York Moda Həftəsində 2027-ci ilin yaz/yay kolleksiyasını təqdim edərək şounu əsl nağıla çevirdi. SİA-nın əldə etdiyi məlumata görə, dizayner 18-ci əsr fransız xalq nağılı olan “Çiçək adaları kraliçası hekayəsi”ndən ilhamlanıb.
Nağılın özündə bir çox qaranlıq məqamlar var: ana gözəl qızını evdə gizlədir, onu gözəlliyinə görə qızı edam etmək istəyən kraliçadan xilas etməyə çalışır.
Məhz qaranlıq hekayə ilə nağıl sonluğu arasındakı bu ziddiyyət Sirianonu valeh etdi.
...Nağılın özü olduqca qaranlıqdır, amma çiçəklərdə boğulan yumşaq, xəyalpərəst bir dünyada bitir, - dizayner deyib.
Onun sözlərinə görə, bu ikililik ona şəxsiyyətinin iki tərəfində, “qaranlıq və şirin” şəkildə oynamağa imkan verdi. Bu transformasiyanı podiumda görmək asan idi.
Şou dərin, tünd çalarlarda qotik bir hiss ilə təmkinli görünüşlərlə başladı və tədricən daha parlaq hala gəldi.
Tünd palitranı fuşya, qızılı, çiçək naxışları və yeni açılmağa başlayan tumurcuqlara bənzəyən teksturalı həndəsi formalar əvəz etdi. Nyu-York Moda Həftəsində Kristian Sirianonun möhtəşəm görünüşlərinə baxırıq.
Kristian Sirianonun özünəməxsus dramatikliyi çoxlu sayda qırışları, dəbdəbəli detalları və mürəkkəb teksturaları olan axşam libasları ilə vurğulanırdı. Eyni zamanda, dizayner özünü yalnız qadın görünüşləri ilə məhdudlaşdırmadı - kolleksiyaya həmçinin brendin xarakterik kutür şıklığını qoruyub saxlayan kişi dəstləri də daxil idi.
Şounun ulduzu supermodel Koko Roça idi, ön sıralarda Vupi Qoldberq, Brendi Norvud və digər məşhurlar yer alırdı.
Nazlı Almuradova