...Rusiya ABŞ-ın “resurslarını tükəndirdiyi və müdaxilə edə bilmədiyi” fərziyyəsi ilə fəaliyyət göstərir.
SİA-nın əldə etdiyi məlumata görə, bunu “The Washington Post” yazır.
...ABŞ kəşfiyyatına görə, Kreml hesab edir ki, İranla uzun sürən müharibə ABŞ-ın hərbi imkanlarını zəiflədib və Rusiyanın Avropadakı Amerika maraqlarına və müttəfiqlərinə təzyiqi artırması üçün şərait yaradıb.
“The Washington Post”-a görə, bu kəşfiyyat Mərkəzi Kəşfiyyat İdarəsinin direktoru Con Retkliffin Moskvaya qapalı səfərindən əvvəl yayılıb.
Danışıqlar zamanı o, Rusiya tərəfini Ukraynaya qarşı müharibənin ciddi şəkildə şiddətlənməsinin Moskvaya əks təsir göstərə biləcəyi barədə xəbərdar edib.
Nəşrin mənbələrindən biri iddia edir ki, Rusiya ABŞ-ın “resurslarını tükəndirdiyi və müdaxilə edə bilmədiyi” fərziyyəsi ilə fəaliyyət göstərir.
Bu qiymətləndirmələr ABŞ qüvvələrinin hazırlığının azalması və İrana qarşı kampaniya zamanı sursatın xərclənməsi barədə məlumatlar fonunda ortaya çıxıb.
“The Washington Post”-a görə, Retkliff həmçinin Moskvaya Rusiyanın əhəmiyyətli dərəcədə gərginləşməsinin Donald Trampı Zelenskini daha fəal şəkildə dəstəkləməyə sövq edə biləcəyini açıq şəkildə bildirib.
Lakin Moskva bunu ciddi təhlükə kimi qəbul etməyib. Nəşr bildirir ki, Kreml ABŞ-ın uzun sürən münaqişə səbəbindən əsas silah ehtiyatlarını - Patriot hava hücumundan müdafiə raket tutucuları, Tomahawk kruiz raketləri və ATACMS taktiki raketlərini azaltdığından xəbərdardır.
Reaper dronlarının itkiləri də bildirilir.
Bu fonda kəşfiyyat analitikləri ABŞ-ın resurslarını tükəndirdiyi iddia ediləndən bəri Rusiyanın Avropadakı Amerika maraqlarına və müttəfiqlərinə qarşı daha fəal hərəkət etmək imkanı qazandığını irəli sürüblər.
Bu arada, ABŞ administrasiyasının rəsmiləri (məsələn, müdafiə naziri Pit Heqset) istehsalın artırılmasını tələb etsələr də, genişmiqyaslı sursat çatışmazlığını açıq şəkildə inkar ediblər.
2026-cı ilin avqust ayının ortalarına olan məlumata görə, ABŞ ordusunun ümumi itkilərinin sayı təxminən 776-ya çatıb. Bunlardan on səkkizi öldürülüb. ABŞ bir sıra hərbi aktivlərini itirib: müxtəlif hesablamalara görə, təxminən 45 ədəd MQ-9 Reaper dronları; bir KC-135 tanker təyyarəsi (İraq üzərində itkin düşərək altı ekipaj üzvünün ölümünə səbəb olub); F-15E qırıcısı (Küveytin F/A-18 qırıcısının "dost atəşi" nəticəsində məhv edilib); E-3 Sentry AWACS təyyarəsi (Səudiyyə Ərəbistanındakı aviabazaya İran raketi və dron zərbəsi nəticəsində məhv edilib); digər təyyarələr də zədələnib: F-35A qırıcısı, başqa bir E-3 Sentry, HH-60W və MC-130J helikopterləri...
Əli Babayev