Vaşinqton administrasiyası İranla əlaqələrə görə 60-dan çox təşkilata, fiziki şəxsə və gəmiyə sanksiyalar tətbiq edir. Bu barədə jurnalistlərə ABŞ-nin maliyyə naziri Skott Bessent bildirib.
SİTAT: "ABŞ Maliyyə Nazirliyinin Xarici Aktivlərə Nəzarət İdarəsi İran rejiminə qadağan olunmuş nüvə və raket texnologiyaları əldə etməyə, kiber əməliyyatlar aparmağa və neft gəlirləri əldə etməyə imkan verən dünya üzrə 60-dan çox təşkilata, şəxsə və gəmiyə sanksiyalar tətbiq edir", - o deyib.
Nazirin sözlərinə görə, Vaşinqton İranı qlobal arenada tamamilə təcrid etmək və İslam İnqilabı Keşikçiləri Korpusu (SEPAH) üçün potensial maliyyələşdirmə mənbələrini kəsmək istəyir.
Mətləb