Rusiya ordusu Ukraynanın Jitomir vilayətinə “Banderol” tipli reaktiv dronlarla hücum edib.
SİA xəbər verir ki, hücumun hədəfi Milli Polis Qərargahının binası olub.
Nəticədə 2 polis zabiti həlak olub, azı 10 nəfər xəsarət alıb.
Zərbələr binanın 4-cü mərtəbəsində və damında yanğına səbəb olub.
Yanğınsöndürənlər, təcili tibbi yardım və hüquq-mühafizə orqanları hadisə yerinə cəlb edilib.