...Rusiya iqtisadiyyatı Ukraynada təxminən beş illik müharibədən sonra təhlükəli bir nöqtəyə yaxınlaşır.
SİA xəbər verir ki, The Times qəzetinin məlumatına görə, maliyyə mütəxəssisləri və iqtisadçılar uzun sürən durğunluq, artan borc və sosial böhran riski barədə xəbərdarlıq edirlər. Hərbi xərclər mülki sektoru sıxışdırmağa davam edir. Müdafiə sənayesi müəssisələri güzəştli şərtlərlə maliyyələşdirmə alır, adi müəssisələr isə 24 faizdən yuxarı faiz dərəcələri ilə üzləşirlər.
Bu fonda Rusiyada şəxsi iflasların sayı rekord səviyyəyə çatıb.
VEB-nin baş iqtisadçısı Andrey Klepaç açıq şəkildə bildirib ki, Moskva Ukraynanı məhv müharibəsində məğlub edə bilməyəcək. Onun sözlərinə görə, Kiyevin qaçılmaz iqtisadi və ya hərbi çöküşü ilə bağlı gözləntilər əsassızdır.
Xatırladaq ki, bu açıqlamalardan sonra Klepaç mövqeyini itirdi və mövcud vəziyyəti 1917-ci il inqilabı ərəfəsi dövrü ilə müqayisə etməsi xüsusilə kəskin reaksiya doğurdu.
Rusiyanın 2026-cı il üçün ÜDM artım proqnozu artıq 0-1 faizə endirilib.
Mərkəzi Bank zəif iqtisadi artım və yüksək inflyasiyanın birləşməsindən qaynaqlanan staqflyasiya riski barədə xəbərdarlıq edir.
Bu arada, enerji gəlirlərinin azalması səbəbindən büdcə artan təzyiq altındadır.
İqtisadiyyatın zəifliyi, Wildberries şirkətinin əsas logistika obyektlərinə dron hücumlarından sonra da üzə çıxdı.
Təsirə məruz qalan şirkətlər kredit problemləri ilə üzləşə bilər və bu da bank sistemi üçün əlavə risklər yarada bilər.
Nəşr yazır ki, "Kreml müharibəni davam etdirmək üçün kadr çatışmazlığı və yeni səfərbərliyə ehtiyacla da üzləşə bilər". Lakin, hərbi xərclərin daha da artması mülki iqtisadiyyata təzyiqi artıra bilər.
Tez qələbə vədləri tədricən Rusiya üçün getdikcə baha başa gələn uzunmüddətli müharibənin reallığı ilə toqquşur.
Əli Babayev