...Ötən həftə Rusiya lideri Vladimir Putin açıq şəkildə "heç vaxt heç nədən qorxmadığını" bəyan edib. Onun bunu Ukrayna sərhədindən 3000 kilometr aralıda, Novosibirskdə deməsi çox təsirlidir.
Bundan əlavə, Kreml lideri bu yaxınlarda bütün fəaliyyətlərini Uraldan kənara, Ukrayna dronları və raketlərinin əli çatmayan yerə köçürüb.
Bu, müstəqil Rusiyanın "Mojem obyasnit" (İzah edə bilərik) nəşri tərəfindən vurğulanıb.
Əvvəlki illərdə Putin ənənəvi olaraq avqustun çox hissəsini Soçidə keçirirdi. Lakin bu il o, bu ənənəni pozdu. Rusiya diktatoru Moskvada olduğu kimi, öz iqamətgahında da görünməyi dayandırıb. Kreml bu məlumatı gizlətməyə çalışır.
...Ukrayna hücumlarının intensivləşməsindən sonra onun ictimai marşrutu getdikcə Sibirə və Uzaq Şərqə doğru dəyişib, baxmayaraq ki, Kreml "Moskva" işarəsi ilə qapalı görüşləri yayımlamağa davam edir... Kremlin "elitası" öz liderlərini Uraldan kənara izləyib və Ukrayna dronlarının əli çatmayan yerdə özləri üçün lüks yaşayış yerləri yaradıb, - deyə nəşr qeyd edib.
Putinin mətbuat katibi Dmitri Peskov, Baş nazir Mixail Mişustin, Sberbankın baş direktoru German Qref, Qazpromun baş direktoru Aleksey Miller və digərləri Altay dağlarına köçüblər.
Nəşrin məlumatına görə, Putin onsuz da görünməmiş təhlükəsizlik tədbirlərini daha da gücləndirib. Xüsusilə, o, hərəkətlərini daha diqqətlə gizlətməyə başlayıb.
Əli Babayev