Şəki-Zaqatala Regional Təhsil İdarəsinin tabeliyindəki ümumi təhsil müəssisələrinin 538 məzunu məktəbi fərqlənmə attestatı ilə bitirib.
Bu barədə SİA-ya Regional Təhsil İdarəsindən məlumat verilib. Belə ki, onlardan 343 nəfər ümumi orta təhsil səviyyəsi üzrə, 195 nəfər isə tam orta təhsil səviyyəsi üzrə təhsilini fərqlənmə attestatı ilə başa vurub.
Qeyd edək ki, fərqlənmə attestatı oxuduğu müddətdə bütün fənlərdən attestata yazılan illik (yekun) qiymətləri 5 (beş) olan və buraxılış imtahanlarında hər bir fənn üzrə ən azı 75 (yetmiş beş) bal toplayan məzunlara verilir.