"Azərbaycan enerji sahəsində modernləşmə siyasətini ardıcıl şəkildə davam etdirir" - POLİTOLOQ DANIŞDI

"Prezident İlham Əliyevin “Yeni Səngəçal” yarımstansiyasının açılışında şəxsən iştirak etməsi sadəcə bir energetika obyektinin istismara verilməsi hadisəsi deyil, Azərbaycanın strateji infrastruktura, milli təhlükəsizliyə və uzunmüddətli iqtisadi inkişafa verdiyi yüksək dəyərin növbəti əyani təzahürüdür. Səngəçal coğrafiyası artıq illərdir ki, təkcə ölkəmizin deyil, geniş mənada Avrasiyanın enerji xəritəsində əvəzsiz qovşaq rolunu oynayır".

Bu sözləri SİA-ya açıqlamasında politoloq Tural İsmayılov deyib.

Onun sözlərinə görə, bu baxımdan, “Yeni Səngəçal” yarımstansiyasının mövcud infrastruktura inteqrasiyası dövlətimizin artan iqtisadi gücünü və gələcəyə hesablanmış dəqiq strateji fəhmini növbəti dəfə nümayiş etdirir:

"Dövlət başçısının həyata keçirdiyi hərtərəfli modernləşmə kursu ölkənin enerji şəbəkəsinin dayanıqlığını pik həddə çatdırır. Bu addım həm sürətlə böyüyən sənaye potensialının fasiləsiz elektrik enerjisi ilə təmin olunması, həm də regional və beynəlxalq layihələrin etibarlı şəkildə dəstəklənməsi nöqteyi-nəzərindən müstəsna əhəmiyyət kəsb edir. Prezident İlham Əliyevin rəhbərliyi ilə icra olunan infrastruktur layihələri sübut edir ki, Azərbaycan təkcə enerji resursları ixrac edən ölkə kimi deyil, yüksək texnologiyalı və sarsılmaz enerji infrastruktura malik strateji güc mərkəzi kimi öz mövqeyini gündən-günə möhkəmləndirir.

Son illər bərpa olunan enerji mənbələrinə keçid və enerji balansının şaxələndirilməsi istiqamətində atılan cəsarətli addımlarla paralel olaraq ənənəvi şəbəkələrin yenilənməsi ölkə rəhbərliyinin dərin siyasi və iqtisadi uzaqgörənliyindən xəbər verir. Bu layihə, eyni zamanda, Azərbaycanın qlobal enerji təhlükəsizliyindəki aparıcı rolunu qoruyub saxlamasının, iqtisadi suverenliyini daha da möhkəmləndirməsinin və dinamik inkişaf tempini qətiyyətlə sürətləndirməsinin bariz nümunəsidir. Prezident İlham Əliyevin bilavasitə nəzarəti və iradəsi ilə həyata keçirilən bu tipli miqyaslı təşəbbüslər Azərbaycanın gələcək onilliklər üçün enerji müstəqilliyini və regional liderliyini tam sığortalayan sarsılmaz bünövrədir".