“Bu gün əsas suallardan biri sülhü saxta xəbərlər olmadan necə təşviq etməkdir”.
SİA xəbər verir ki, bu sözləri SİA-ya açıqlamasında səudiyyəli aparıcı Layala İxtiyar deyib.
O bildirib ki, insanların 70 faizdən çoxu xəbərləri sosial media platformalarından əldə edir. Onun sözlərinə görə, həmin məlumatların böyük hissəsi saxta və ya yoxlanılmamış olur və insanlar bunu bilmədən həmin informasiyanı yayırlar.
Layala İxtiyar qeyd edib ki, dezinformasiya cəmiyyətdə yanlış təsəvvürlər yaradır, münaqişələri alovlandıra və xüsusilə gənc nəslin manipulyasiya olunmasına səbəb ola bilər.
Aparıcı vurğulayıb ki, Şuşa Qlobal Media Forumunda bu mövzunun geniş müzakirə olunması olduqca vacibdir və dezinformasiyaya qarşı mübarizə istiqamətində aparılan fikir mübadiləsi böyük əhəmiyyət daşıyır.