...Standart gündəlik rejiminə riayət edən yetkinlərə gündüz saatlarında yatmaq vərdişindən imtina etmələri tövsiyə olunur.
SİA xəbər verir ki, bu barədə RİA Novosti agentliyi Avropa Tibb Mərkəzinin (EMC) həkimi və qocalma əleyhinə tibb üzrə mütəxəssis Esaki Hacimeyə istinadən məlumat verib.
Mütəxəssis vurğulayıb ki, yeməkdən dərhal sonra və ya günortadan sonra yatmağa getmək xüsusilə arzuolunmazdır. Bu, ümumi rifaha və məhsuldarlığa mənfi təsir göstərə bilər. Həkimin tövsiyələrinə görə, gündüz yuxuları yalnız insanın gecə kifayət qədər yatmadığı, yəni tövsiyə olunan yeddi və ya səkkiz saatdan az yatdığı hallarda məqbuldur.
Lakin, bu cür yuxuları 30 dəqiqə ilə məhdudlaşdırmaq vacibdir.
Sirkadian ritmlərdə ciddi pozuntuların qarşısını almaq üçün saat 17:00-dan əvvəl oyanmaq vacibdir.
Gündüz yuxuları üçün ardıcıl bir vaxt çərçivəsinə riayət etmək axşam yuxuya getməkdə çətinlik çəkməməyə kömək edir.
Əgər insan yarım saatdan çox və ya çox gec istirahət edərsə, gecə yuxusuzluq riski var.
Nazlı Almuradova