...60 yaşdan sonra demensiyanın qarşısının alınmasında əsas səhv tək bir risk faktorunu müəyyən etmək və yalnız ona diqqət yetirməkdir.
SİA-nın əldə etdiyi məlumata görə, Kyuşu Universitetinin professoru Toşiharu Ninomiya RİA Novosti-yə bildirib ki, beynin qorunması hərtərəfli yanaşma tələb edir.
Mütəxəssisin sözlərinə görə, qan təzyiqi, çəki, siqaret çəkmə, diabet və ya fiziki aktivlik ayrıca nəzərdən keçirilə bilməz. Bütün bu amillər koqnitiv pozğunluq riskinə birlikdə təsir göstərir.
...Hər hansı bir amili - qan təzyiqi, diabet, siqaret çəkmə, fiziki aktivlik və ya çəki - ayırmaq deyil, onları hərtərəfli idarə etmək vacibdir, - deyə ekspert bildirib.
Ninomiya, Kyuşu Universitetindən və digər Yaponiya tədqiqat mərkəzlərindən olan həmkarları ilə birlikdə 65 yaşdan yuxarı 9605 yapon sakinindən məlumatları araşdırıb. Tədqiqatçılar genetik meylliliyin dəyişdirilə bilən amillərlə necə qarşılıqlı təsirini qiymətləndiriblər.
Təhlil hipertoniya, diabet, aşağı bədən kütlə indeksi, əvvəlki insult, siqaret çəkmə və oturaq həyat tərzini əhatə edib. Alimlər belə bir nəticəyə gəliblər ki, insanda bu cür amillər nə qədər çox toplanırsa, demensiya riski bir o qədər yüksəkdir. Professor qeyd etdi ki, 60 yaşdan yuxarı insanlar, eləcə də ailəsində demensiya tarixçəsi olanlar həyat tərzi vərdişlərini mümkün qədər tez bir zamanda yenidən nəzərdən keçirməlidirlər.
O, hipertoniya və diabetin qarşısının alınmasına və vaxtında müalicəsinə xüsusi diqqət yetirməyi tövsiyə edir.
Alim izah etdi ki, “...həyat tərzi dəyişiklikləri, hipertoniya və diabetin qarşısının alınması və erkən müalicəsi yalnız demensiya riskinin azalması ilə deyil, həm də insult, ürək-damar xəstəlikləri və xroniki böyrək xəstəliyi də daxil olmaqla bir çox digər xəstəliklərin qarşısının alınması ilə əlaqələndirilir”.
Ninomiya vurğuladı ki, həyat tərzi dəyişiklikləri hədəfə alınmamalı, əksinə bir neçə sahəni əhatə etməlidir. Bu yanaşma, insanın Alzheimer xəstəliyinə genetik meylli olub-olmamasından asılı olmayaraq vacibdir.
Əli Babayev