...Kanye Uest və Kim Kardaşyanın böyük qızı 13 yaşlı Nort Vest, amerikalı reper Molli Santana ilə birlikdə çıxış edəcək ilk konsert turunu elan edib.
SİA-nın əldə etdiyi məlumata görə, Molli x Nort Kimokawaii Turu ABŞ və Kanadada 14 tarix təqdim edəcək.
Tur 5 avqustda Dallasda başlayır və 27 avqustda Los-Ancelesdə başa çatır.
Çıxışların planlaşdırıldığı şəhərlərə Nyu-York, Çikaqo, Atlanta, San-Fransisko, Boston, Feniks və Toronto daxildir. Kanye Uestin qızı ilk konsert turuna çıxır.
Konsertlərdə gənc sənətçi son illərdə Amerika hip-hop səhnəsində sürətlə populyarlıq qazanan Santana ilə xüsusi qonaq kimi çıxış edəcək.
Gənc yaşına baxmayaraq, Nort artıq musiqidə özünə inamla ad qazanır.
2024-cü ilin fevral ayında o, debüt treki olan "Piercing on My Hand"-ı buraxdı və bu yaz ilk EP-si olan "N0rth4evr"-i təqdim etdi.
Xatırladaq ki, Nort Kim Kardaşyan və Kanye Uestin dörd uşağının ən böyüyüdür. Valideynlərinin 2022-ci ildə boşanmasından sonra o, öz yaradıcılıq layihələrini fəal şəkildə davam etdirir və təkcə məşhurların qızı deyil, həm də yeni nəsil sənətçi kimi getdikcə daha çox diqqəti cəlb edir.
Nazlı Almuradova