...Təhsil naziri Andrey İvanets dövlət televiziyasında Belarus universitetlərinə qəbul ballarının 2026-cı ildə artacağı gözlənildiyini açıqlayıb.
SİA xəbər verir ki, onun sözlərinə görə, bu il maksimum imtahan nəticələrini əldə edən məzunların sayı və orta bal da təxminən iki-üç bal artıb.
Nazir qeyd edib ki, bu, qəbul üçün rəqabətin artmasına və nəticədə daha yüksək qəbul ballarına səbəb olacaq.
Bundan əlavə, o, bu il dövlət tərəfindən maliyyələşdirilən əlavə 3000-dən çox yerin ayrıldığını açıqlayıb.
Nazirliyin məlumatına görə, ölkə iqtisadiyyatında ən çox tələbat olan tibb, mühəndislik, iqtisadiyyat və aqrar-sənaye ixtisaslarına üstünlük veriləcək.
Nazlı Almuradova