...Amerikalı müğənni və bəstəkar Teylor Svift, mahnı müəllifləri şöhrət zalına daxil edilən ən gənc qadın olmaqla tarixə düşdü.
SİA-nın əldə etdiyi məlumata görə, bu barədə Page Six yazıb.
Mərasim təşkilatın illik qalasının bir hissəsi olaraq Nyu-York şəhərində baş tutdu.
36 yaşlı müğənni karyerası boyunca göstərdikləri dəstəyə görə ailəsinə təşəkkür etdi. Emosional bir çıxışında Svift valideynlərinin musiqi karyerası arzusunu gerçəkləşdirməyə kömək etmək üçün Pensilvaniyadan Neşvillə necə köçdüklərini xatırladı.
Mükafat, müğənni üçün debüt sinqlı olan "Tim MakQrou"nun çıxmasından 20 il sonra daha bir əhəmiyyətli mərhələ oldu. Bundan əlavə, Svift Hal David Starlight Mükafatı laureatından mahnı müəllifləri şöhrət zalına tam şəkildə daxil olan ilk sənətçi oldu.
Təşkilat müğənninin ən məşhur mahnılarından bir neçəsini, o cümlədən "Love Story", "Blank Space", "Anti-Hero" və "All Too Well" mahnılarını təltif etdi.
Məhz bu mahnılar onun müasir pop musiqisinin ən nüfuzlu simalarından birinə çevrilməsinə kömək etdi.
Svift bu il KISS üzvləri Gene Simmons və Paul Stenli, Alanis Morissette, Kenny Loggins və digər tanınmış müğənni-bəstəkarlarla birlikdə şöhrət zalına daxil edilib. Təşkilatçıların sözlərinə görə, yeni daxil olanların işi qlobal musiqi mədəniyyətinə dərin təsir göstərib və dünyada milyardlarla dinləyiciyə ilham verib.
Nazlı Almuradova