Polşa Avropa üçün Təhlükəsizlik Fəaliyyəti (SAFE) proqramı çərçivəsində maliyyələşdirmə alan ilk Aİ ölkəsi olub.
SİA xarici KİV-ə istinadən xəbər verir ki, Varşava 6,6 milyard avroluq ilk tranşı aldı ki, bu da proqram çərçivəsində ölkəyə ayrılan ümumi vəsaitin təxminən 15%-ni təşkil edir.
Ümumilikdə, Polşa SAFE iştirakçıları arasında ən böyük milli kvota olan 43,7 milyard avro alacaq.
Keçən il 19 Aİ ölkəsi 150 milyard avroluq kredit proqramına çıxış üçün müraciət edib. Polşadan sonra ən böyük maliyyələşdirmə paketlərini Rumıniya, Macarıstan, Fransa və İtaliya alıb.
Planı hələ də Avropa Komissiyasından təsdiq gözləyən yeganə ölkə Macarıstandır.
Milli SAFE planının təsdiqindən sonra Polşa müdafiə tədarükünü fəal şəkildə artırır.
Son aylarda Varşava Polşa istehsalçıları ilə hərbi yük maşınları, tankerlər və sursat təchizatı üçün bir sıra müqavilələr imzalayıb.
Polşanın Baş naziri Donald Tusk ölkənin sürətlə yeni müqavilələr bağlamağa davam etdiyini söylədi.
"Şənbə gününə qədər 100 milyard zlotı (23,6 milyard avro) dəyərində 40 müqavilə imzalanacaq. Biz sadəcə danışmaqla kifayətlənməyib, özümüzü müdafiə edirik", - deyə rəsmi bildirib.
Artıq yazdığımız kimi, Varşavada Polşanın 180 milyard PLN (43,7 milyard avro) dəyərində SAFE proqramını həyata keçirməsi ilə bağlı müqavilə imzalanmışdır.
Xatırladaq ki, SAFE aləti 27 may 2025-ci ildə "Hazırlıq 2030" təşəbbüsünün bir hissəsi olaraq qəbul edilib .