...Lancia Gamma krossoveri, İtalyan brendini yenidən təqdim etmək üçün hazırlanmış yeni model ailəsinin ikinci üzvüdür. SİA xəbər verir ki, avtomobilin ilk detalları Stellantis veb saytında açıqlanıb.
Orijinal 1976-cı il Lancia Gamma kupe və fastback sedan kuzov üslublarında istehsal olunsa da, indi tağlı dam, yüksək pəncərə xətti və dirəklərdə gizlənmiş arxa qapı tutacaqları olan fərqli bir kupe-krossoverdir.
Ön hissə Lancia Ypsilon-da debüt edən yeni imza üslubunda dizayn edilib. Yeni Lancia Gamma, Peugeot 3008-in qohumu olan STLA Medium platformasında qurulub. Krossoverin uzunluğu 4,67 metr, eni 1,89 metr və hündürlüyü 1,66 metrdir.
İnteryerin düzülüşü Lancia Ypsilon-dan tanışdır, tablosunda iki ekran və fərqli yarımdairəvi rəf var. Lancia Gamma krossoveri bu payız bazara çıxacaq və 145 at gücünə malik 1,2 litrlik hibrid versiya və üç elektrik variantı ilə təqdim olunacaq:
- tək mühərrikli, ön təkərli, 230 at gücünə, 73 kVt/saat batareya, 540 km yürüş məsafəsi;
- tək mühərrikli, ön təkərli, 245 at gücünə, 97 kVt/saat batareya, 740 km yürüş məsafəsi;
- iki mühərrikli, tam təkərli, 375 at gücünə, 97 kVt/saat batareya, 675 km yürüş məsafəsi.
Nazlı Almuradova