...ABŞ-da Qeyb Puaro adlı bir kişi ağır baş zədəsi aldıqdan sonra cənnət təcrübəsini və Tanrı ilə şəxsi görüşünü danışıb. SİA xəbər verir ki, bu barədə "Mirror" qəzeti yazıb.
Zərərçəkənin sözlərinə görə, hadisə 2021-ci ilin oktyabr ayında saatda təxminən 48 kilometr (30 mil) sürətlə dəbilqəsiz elektrikli skeytbord sürərkən baş verib.
Amerikalı zərbədən sonra yıxılıb və kəllə sümüyünün sınığı alıb və nəticədə 18 gün komaya düşüb.
Həkimlər onun kəlləsinə daxili təzyiqin kritik olduğunu nəzərə alaraq onun sağ qalacağına şübhə ilə yanaşıblar.
Fiziki bədəni xəstəxanada olarkən, şüurunun cənnətə “sorulduğunu” və orada bir xilaskar gördüyünü iddia edib. Puaro Tanrının görünüşünü ətraflı təsvir edərək, onun təxminən 180 santimetr boyunda olduğunu qeyd edib.
...Onun dərisi tünd idi, Yaxın Şərq rənginə yaxın idi, amma eyni zamanda əbədiyyət havası var idi. O, 33 yaşındaydı, amma əbədi görünürdü. Saçları orta uzunluqda idi; mən onu bir az buruq kimi təsvir edərdim, - deyə o qeyd edib.
Qeyb həmçinin əlavə edib ki, heç nə Tanrının əsl gözəlliyini ifadə edə bilməz.
Cənnətin özündən danışarkən, şahid onu hər binanın, kitabxananın və hətta kitablardakı hərflərin Yaradanın təcəssümü olduğu bir şəhərlə müqayisə edib.
Həkimlər Puaronun oyandıqdan sonra sağalmasını möcüzəvi adlandırdılar.
O, “Tanrının Ruhu onu oyadıb”,- deyə iddia edir, bundan sonra yaddaşı və idrak funksiyaları cəmi bir neçə gün ərzində tam bərpa olunub.
Qısa müddətdən sonra Qeyb xəstəxanadan çıxıb normal həyatına qayıda bildi, lakin indi vaxtını tam olaraq missioner işinə həsr edir. Kişi komada olarkən aldığı vəhyi bölüşüb.
O, şeytani qüvvələrin dünya liderlərini və millətlərini kuklalar kimi manipulyasiya etdiyini, müharibələrə səbəb olduğunu gördüyünü iddia edir.
Onun fikrincə, insanlar bir-birinə düşmənçilik etməməlidirlər, çünki bəşəriyyətin əsl düşməni ruhlar aləmində gizlənir.
Qeyb Puaro artıq öz görüntüləri haqqında kitab yazıb və onları sosial mediada aktiv şəkildə paylaşır.
Əli Babayev