Tanınmış Azərbaycan saksafonçusu, bəstəkar və Azərbaycan caz səhnəsinin əsas simalarından biri olan RainSultanov 28 aprel – 18 may 2026-cı il tarixlərində keçirdiyi Avropa turnesi çərçivəsində Rumıniyada olub. O, 7-14 may tarixlərində ölkənin Mediaş, Rışnov, Buxarest, Piteşt, Ployeşt şəhərlərində 6 konsert verib. Mayın 13-də R.Sultanov Ployeşt Filarmoniyası, növbəti gün isə Buxarest şəhərindəki “Green Hours” caz klubunda çıxış edib.
SİA xəbər verir ki, Rumıniya səfəri zamanı muqisiçi 12 may 2026-cı il tarixində AR Rumıniyadakı Səfirliyi tərəfindən Ulu Öndər Heydər Əliyevin anadan olmasının 103-cü ildönümü münasibətilə Rumıniya Senatında keçirilmiş “Azərbaycan xalqının Ümummilli Lideri Heydər Əliyevin Azərbaycan Respublikası və Rumıniya arasındakı əlaqələrdə rolu” mövzusunda konfransda iştirak edib.
Rain Sultanov həm öz ölkəsində, həm də beynəlxalq səviyyədə cazı fəal şəkildə təbliğ edir. Avropa turnesiçərçivəsində musiqiçi Norveç, Polşa, Almaniya və Niderlandın müxtəlif şəhərlərinin konsert salonlarında çıxışlar edib.
Alman Ozella Music leyblında Rain Sultanov Avropada geniş tanınma qazanan bir neçə albom buraxıb. Onun ən əhəmiyyətli əsərlərindən biri soprano saksafonununminimalist səsi ilə təcrübələr apardığı, kamera aranjimanlarını orqan və piano ilə birləşdirdiyi "Cycle" albomudur. Ozellada da buraxılan "Forgiveness" albomuna xüsusi diqqət yetirilməlidir.
Beləliklə, Ozellada buraxılan "Inspired by Nature", "Influence", "Cycle" və "Forgiveness" albomları RainSultanovun bədii baxışının müxtəlif aspektlərini və dünyanın hər yerindəki tamaşaçılarla rezonans doğuran dərin, səmimi musiqi yaratmaq qabiliyyətini əks etdirir.
Karyerasının onillikləri ərzində Rain Sultanov çoxsaylı beynəlxalq konsert və festivallarda çıxış etmiş və Rəşid Behbutov, Rafiq Babayev, Kenni Uiler, Körtis Fuller, PerriRobinson, Gaya vokal qrupu, Arild Andersen, Nils PetterMolvær, Bobo Stenson, Bendik Hofset, Pako Seri, LinliMarte, Barbara Dennerlein və bir çox başqaları kimi əfsanəvi musiqiçilərlə əməkdaşlıq edib.