...Antarktida buz rəflərinin ərimə sürətinin əvvəlcə proqnozlaşdırılandan daha yüksək olduğu sübut edilib.
SİA xəbər verir ki, bu barədə Nature Communications elmi jurnalında dərc olunmuş bir araşdırmada bildirilib.
Tədqiqatın müəlliflərindən biri olan Qin Çjou, Antarktidadakı mövcud vəziyyətin dəniz səviyyəsinin sürətlə qalxmasına səbəb ola biləcəyini bildirib.
O, həmçinin qitənin gələcəkdə dəniz səviyyəsinin qalxmasının əsas potensial mənbələrindən biri olaraq qaldığını vurğulayıb.
Bundan əlavə, tədqiqatçılar qeyd edirlər ki, Antarktida şelfinin dağılması hazırda bu unikal maneə tərəfindən saxlanılan bir milyard ton buzun sərbəst buraxılmasına səbəb olacaq.
Alimlər əlavə ediblər ki, buzlaqların daha da itirilməsi dəniz səviyyəsinin təxminən 60 metr qalxmasına səbəb ola bilər.
Bu potensial fəlakət dünyada milyonlarla insana təsir edəcək. Daha əvvəl SİA təxminən 192.000 kvadrat kilometr sahəsi olan nəhəng Thwaites buzlağının tədqiqatçılar arasında narahatlıq doğurduğunu bildirmişdi.
Buz rəfi son illərdə özülünün aşınması səbəbindən aktiv şəkildə hərəkət edir.
Bu, aysberqin su altında qalmasına səbəb ola bilər.
Əli Babayev