"Çelsi" rəhbərliyi Rozenhorun vəzifəsindən kənarlaşdırılmasından sonra komandanın daxili strategiyasını dəyişdirmək qərarına gəldi .
SİA xarici KİV-ə istinadən xəbər verir ki, London klubu hazırda yüksək səviyyədə işləmək təcrübəsi olan və komanda üçün yeni ritm və oyun tərzi yarada biləcək yeni məşqçi axtarır.
Namizədlər arasında mövsümün sonunda "Bornmut"dan ayrılacaq Andoni İraola və hazırda "Fulhem"i çalışdıran Marko Silva da var, lakin "The Telegraph" əlavə edir ki, "Çelsi" Xabi Alonsonu da namizədlər siyahısına daxil edib.
Qeyd olunur ki, yeni məşqçi tapmaq prosesi "Mançester Yunayted"dəki prosesə bənzəyəcək: təyinatdan əvvəl namizədlərlə müsahibələr keçiriləcək və onların fikirlərinin "Çelsi"nin fəlsəfəsi ilə necə uyğunlaşdığını öyrənəcəklər.
Bu arada, Fabreqas daha əvvəl "Çelsi"də mümkün iş yeri ilə bağlı şayiələrə cavab vermişdi .