...Ağciyər xərçəngi diaqnozu qoyulmuş Britaniyalı təqaüdçü Brayan Qemmel xəstəliyin qeyri-adi bir simptomu - barmaq uclarının formasının dəyişməsi barədə xəbərdarlıq edib.
SİA-nın məlumatına görə, o, müşahidələrini Mirror ilə bölüşüb.
Qemmel xəstəliyin yeganə nəzərə çarpan simptomunun barmaqlarının şişməsi olduğunu və barmaqlarının "dəyənək" forması aldığını söyləyib.
Ucları böyümüş və dırnaqlarının forması dəyişmişdi. Bu simptomu özünüz yoxlamaq üçün bir əlin dırnağını digər əlin dırnağına basmağı tövsiyə edib.
Normalda, aralarında romb şəkilli boşluq əmələ gəlməlidir. Boşluğun olmaması ağciyər xərçənginə xas olan yumşaq toxuma dəyişikliklərini göstərə bilər.
…Əgər bir şeydən narahatsınızsa, həkimə müraciət edin - ailə həkimi bunun üçündür. Mümkün qədər tez görüş təyin edin", - deyə o məsləhət gördü.
Ailə həkimi Helen Pirsey də öz növbəsində ağciyər xərçənginin digər mümkün simptomlarına diqqət yetirməyi tövsiyə edib:
-üç həftə və ya daha çox davam edən davamlı öskürək;
-nəfəs darlığı;
-nəfəs alma zamanı səs-küy;
-tez-tez sinə infeksiyaları;
-sinə və çiyin ağrısı;
-qanlı öskürək;
-səbəbsiz yorğunluq və ya güc itkisi;
-səs xırıltısı;
-üz və ya boynun şişməsi.
Bu simptomlardan hər hansı biri özünü göstərərsə, həkimlər diaqnoz üçün dərhal mütəxəssisə müraciət etməyi məsləhət görürlər. Erkən aşkarlama uğurlu müalicə şansını əhəmiyyətli dərəcədə artırır.
Nazlı Almuradova