Paşinyan ölüm və məğlubiyyət zəncirini dayandırmaq üçün istefa verib-verməyəcəyi ilə bağlı suala cavab verdi.
SİA xarici KİV-ə istinadən xəbər verir ki, Ermənistanın Baş naziri Nikol Paşinyan ölüm və məğlubiyyət zəncirini dayandırmaq üçün istefa verib-verməyəcəyi ilə bağlı suala cavab verdi:
"Ermənistan Respublikası xalqı mənim getməli olduğuma qərar verəndə, mən də gedəcəm. Mən bunu heç vaxt seçkilərlə əlaqələndirməmişəm. Mən inqilab yolu ilə baş nazir oldum və həmişə Ermənistan xalqının inqilab hüququnu tanımışam və tanımağa davam edirəm. Əgər xalq mənim güllələnməli olduğuma qərar verərsə, təvazökarlıqla divara söykənəcəyəm", - deyə Paşinyan bildirib.
Onun sözlərinə görə, əgər xalqın əksəriyyəti onun baş nazir olmasını istəməsəydi, o da istəməzdi.
Ermənistanda parlament seçkiləri 7 iyun 2026-cı il tarixinə təyin edilib.